Ծառուկյանը տեղյակ է եղել

Արդեն տեղեկացրել ենք, որ Գյումրու ԲՀԿ-ական քաղաքապետ Սամվել Բալասանյանն առաջիկա նախագահական ընտրություններում սատարելու է գործող նախագահի, նախագահի ՀՀԿ-ական թեկնածու Սերժ Սարգսյանի թեկնածությանը: Իր որոշման կապակցությամբ Սամվել Բալասանյանը հաղորդագրություն է տարածել, որը ներկայացնում ենք ստորեւ.

«Որպես ԲՀԿ քաղաքական խորհրդի անդամ` ես ընդունում և հարգանքով եմ վերաբերվում իմ կուսակցության կայացրած որոշմանը, այն է նախագահական ընտրություններում չառաջադրել նախագահի թեկնածու և չսատարել թեկնածուներից որևէ մեկին:

Բայց միևնույն ժամանակ որպես անհատ և որպես քաղաքացի ես կայացրել եմ իմ անձնական որոշումը, այն է նախագահի պաշտոնին հավակնող թեկնածուներից սատարել գործող նախագահ Սերժ Սարգսյանի թեկնածությունը, ինչի մասին ես բնականաբար նախապես տեղյակ եմ պահել ԲՀԿ նախագահ Գագիկ Ծառուկյանին:

Իմ որոշումը ես կայացրել եմ հիմք ընդունելով Գյումրու նկատմամբ Սերժ Սարգսյանի ցուցաբերած հոգատարությունն ու կատարված հսկայական աշխատանքները: Ապագայում նախանշված բազմաթիվ ծրագրեր ևս կյանքի կկոչվեն, եթե նախագահ վերընտրվի Սերժ Սարգսյանը»: