Վլադիմիր Պյատենկոն կգլխավորի "Բանանց"-ը

«Բանանց» ֆուտբոլային ակումբի պաշտոնական կայքը տեղեկացնում է, որ թիմը նոր մարզիչ ունի:

Ուկրաինացի մասնագետ Վլադիմիր Պյատենկոն , ով այսուհետ կգլխավորի ակումբը, հունվարի 21-ին  Կիպրոսում կմիանա «Բանանց»-ին, որտեղ հայկական ակումբը պատրաստվում է անցկացնել իր ուսումնամարզական հավաքը:

Պյատենկոյի  հետ մարզչական շտաբում կաշխատեն  Ալբերտ Կովալյովը, Կարեն Սիմոնյանը, Արթուր Ոսկանյանը և Նիկոլայ Դոնևը:

Որպես ֆուտբոլիստ` ուկրաինացին հանդես է եկել ուկրաինական մի շարք ակումբներում` «Տավրիայում», «Շախտյորում», «Մետալիստում»,  «Մետալուրգում», նաև Ուկրաինայի երիտասարդական հավաքականում:

Մարզչական կարիերան սկսել է Դոնեցկի «Մետալուրգում», որտեղ 2008-10 թվականներին եղել է գլխավոր մարզիչ Նիկոլայ Կոստովի օգնականը: Կոստովի հեռանալուց հետո գլխավորել է «Մետալուրգը» մինչև 2012 թվականը: