Մարադոնան կգլխավորի շվեյցարական ակումբը

Դիեգո Մարադոնան, ով 2010թ. աշխարհի առաջնությունից հետո լքել էր Արգենտինայի հավաքականի գլխավոր մարզչի պաշտոնը, կարող է գլխավորել շվեյցարական «Քսամաքս» ակումբը, որի սեփականատեր է վերջերս դարձել չեչեն գործարար, «Թերեքի» փոխնախագահ Բուլատ Չագաևը:

Ընթացիկ մրցաշրջանի վերջում Մարադոնային կառաջարկվի կա'մ գլխավոր մարզչի, կա'մ ակումբի ներկայացուցչի պաշտոնը: 

Մայիսի 11-ին 50-ամյա Մարադոնան այլ լեգենդար ֆուտբոլիստների հետ կմասնակցի Գրոզնիում կայանալիք ընկերական հանդիպմանը, որը նվիրված է լինելու Ահմամատ Խաջի Կադիրովի անվան մարզադաշտի բացմանը: Հաջորդ օրը Մարադոնան կայցելի Նևշատել, որտեղ էլ մարզվում է «Քսամաքսը»: