Ֆրանսիան պահանջում է արագացնել միջազգային ուժերի` Մալիում տեղակայումը

Ֆրանսիան ՄԱԿ-ի Անվտանգության խորհրդին տեղեկացրել է Մալիում ռազմական գործողություն սկսելու մասին, որի նպատակը իսլամականների դեմ պայքարն է. տեղեկացնում է ИТАР-ТАСС-ը:

Նամակում, որը ՄԱԿ-ում Ֆրանսիայի մշտական ներկայացուցիչ Ժերար Արոն ներկայացրել է երեկ, կոչ է արվում արագացնել Մալիում միօջազգային ռազմական ուժեր տեղակայելու վերաբերյալ բանաձեւի իրականացումը: Խոսքը 2012 թվականի դեկտեմբերի 20-ին ընդունված 2085 բանաձեւի մասին է, որը թույլատրում է Մալիում Արեւմտյան Աֆրիկայի տնտեսական ընկերակցության անդամ երկրների 3,3 հազար զինծառայող ուղարկել Մալի: Դրանում նաեւ կոչ է արվում ՄԱԿ-ի անդամ երկրներին օժանդակել Մալիի իշխանություններին երկրում անվտանգության ապահովման եւ պետական կառավարման վերականգնման գործում: