Փետրվարի 18-ը նախագահի թեկնածուի ծննդյան օրն է

Փետրվարի 18-ին` ՀՀ նախագահական ընտրությունների օրը, «Ազգային համաձայնություն» կուսակցության ղեկավար, նախագահի թեկնածու Արամ Հարությունյանի ծննդյան օրն է: Իսկ, թե ո՞րն է նրա ամենասպասված նվերը, Yerkir.am-ը փորձեց ճշտել թեկնածուից:

«Ինձ համար  ամենալավ նվերը նորմալ Հայաստան ունենալն  է, ես կցանկանայի այդ օրը բոլորն իրար շնորհավորեին նորմալ ընտրությունների համար»,- ասաց Հարությունյանը և հավելեց, որ իր հաղթանակը նվեր կլինի յուրաքանչյուր հայի համար:

Հարությունյանի ընտանիքում իր առաջադրմանը շատ լավ են վերաբերվում, սակայն, սովորաբար,  նման պատսխանատու որոշումներն ինքնուրույն է կայացնում: Նա կառաջադրեր իր թեկնածությունն անգամ այն դեպքում, եթե կուսակցությունը դեմ լիներ: