Ձյունը իր երգն է երգելու... շուտով

ՀՀ ԱԻՆ Հիդրոմետ ծառայության կանխատեսումների համաձայն` նոյեմբերի 11-ի ուշ երեկոյան հանրապետության տարածքը կգտնվի հյուսիսարևմտյան ցուրտ օդային հոսանքների ազդեցության տակ:

Նոյեմբերի 11-ի ուշ երեկոյան և 12-ին սպասվում են տեղումներ, լեռնային և նախալեռնային գոտիներում` ձյուն:

Առանձին վայրերում կդիտվի քամու ուժգնացում 18-23մ/վրկ. արագությամբ, լեռնային շրջաններում և լեռնանցքներում սպասվում է բուք, ճանապարհներին՝ մերկասառույց, տեսանելիության վատացում և դժվարանցանելիություն:

Օդի ջերմաստիճանը 12-ի ցերեկը և 13-ի գիշերը կնվազի 5-7 աստիճանով: Երևանում ժամանակ առ ժամանակ սպասվում է անձրև, նոյեմբերի 12-ի երեկոյան հնարավոր է ձյուն: