ՀՐԱՊԱՐԱԿ. Հախվերդյանն է երգելու

Այսօր` ժամը 17-ին, հացադուլի 15-րդ օրը Րաֆֆի Հովհաննիսյանը պատրաստվում է խոսք ասել` ուղղված հասարակությանը:

Նրանք, ովքեր այս օրերին հայտնել են իրենց զորակցությունը «Ժառանգության» առաջնորդին, հրավիրվել են Ազատության հրապարակ` լսելու:

Ոմանց կարծիքով` նա պատրաստվում է հացադուլից դուրս գալու մասին հայտարարություն անել, չնայած «Ժառանգության» անդամները հերքում են դա եւ ասում, որ իրենք չգիտեն, թե ինչ է ասելու իրենց նախագահը:

Երեկ կրկին նրան է այցելել արդարադատության նախարար Հրայր Թովմասյանը, չի բացառվում, որ նա համոզել է դադարեցնել հացադուլը:

Իսկ երեկոյան ժամը 19-ին Ազատության հրապարակում Րաֆֆի Հովհաննիսյանի պատվին Ռուբեն Հախվերդյանը պատրաստվում է երգել: