Ֆրանսիան ձգում է գոտին

Ֆրանսիան չի բարձրացնի նախագահի եւ նախարարների աշխատավարձերը, քանի դեռ երկիրը չի վերադարձել հավասարակշռված բյուջեի, որը նախատեսված է 2016 թվականին. հայտարարել է երկրի վարչապետ Ֆրանսուա Ֆիյոնը:

«Հանրապետության նախագահի եւ կառավարության անդամների աշխատավարձերը կսառեցվեն մինչեւ հստակ հավասարակշռված պետական ֆինանսներին վերադառնալը: Ես կոչ եմ անում քաղաքական գործիչներին եւ ձեռնարկությունների ղեկավարներին` անել նույնը»,- ըստ РИА Новости-ի` ասել է վարչապետը` հայտարարելով տնտեսական աճի անկման հետ կապված տնտեսման նոր միջոցառումների մասին:

Ըստ նրա` բյուջեի զրոյական դեֆիցիտ կգրանցվի 2016 թվականին, այդ նպատակով հարկավոր է տնտեսել մոտ 100 մլրդ եվրո: