Ֆրանսիայի ակադեմիան կհամագործակցի մեր համալսարանների հետ

ՀՀ ԿԳ նախարար Արմեն Աշոտյանն այսօր ընդունել է Ֆրանսիայի Մոնպելիեի ակադեմիայի ռեկտոր Քրիստիան Ֆիլիպին և Հայաստանում ֆրանսիական համալսարանի ռեկտոր Ժոել լը Մոնզելեկին:

«Մենք շահագրգիռ ենք, որ Ֆրանսիական համալսարանն իր շարունակական գործունեությամբ կրթության եվրոպական որակ և ստանդարտներ ապահովի Հայաստանում»,-նշել է Աշոտյանը:

Մոնպելիեի ակադեմիայի ռեկտոր Ք.Ֆիլիպին նշել է, որ Մոնպելիեի ակադեմիան պատրաստակամ է համագործակցել ֆրանսաիական համալսարանի և Հայաստանի այլ բուհերի` մասնավորապես ԵՊՀ-ի և Ագրարային համալսարանի հետ: Քննարկվել են նաև Հայաստանում ֆրանսիական լիցեյ հիմնադրելուն, ինչպես նաև հայ-ֆրանսիական կրթական համագործակցությանն առնչվող այլ հարցեր: