Հրապարակվել է աշխարհի լավագույն համալսարանների 2025թ THE-Times Higher Education վարկանիշային աղյուսակը

ՀՀ ԳԱԱ Գիտակրթական միջազգային կենտրոնի դեկան, կրթության ոլորտի փորձագետ, մանկավարժության դոցենտ Ատոմ Մխիթարյանը գրում է․

«Հրապարակվեց նաև աշխարհի լավագույն համալսարանների 2025թ THE – Times Higher Education վարկանիշային աղյուսակը:

Հայաստանից կրկին ընդամենը 1 համալսարան է ընդգրկված այդ աղյուսակում՝ ԵՊՀ-ն (1501-րդ):

Վրացական 3 (լավագույնը՝ 1201-րդ), իսկ ադրբեջանական 2 համալսարան կա աղյուսակում:

Ռուսաստանը THE վարկանիշային աղյուսակում ունի 81 համալսարան (լավագույնը՝ 107-րդն է), Թուրքիան՝ 91, Իրանը՝ 80:

Նախկին ԽՍՀՄ պետություններից ուկրաինական 17, լիտվական 5, ղազախական ու լատվիական 4-ական, ուզբեկական ու էստոնական 3-ական ու բելառուսական 1 համալսարան վարկանիշ ունի:

Իսրայելից 8, իսկ Կիպրոսից 4 համալսարան է ընդգրկված լավագույն համալսարանների վարկանիշային այս աղյուսակում:

Ավելացնեմ, որ աղյուսակը գլխավորում է Օքսֆորդի համալսարանը»: