Վարչապետն անտեղյակ է

Խորհրդարանում ճեպազրույցի ժամանակ վարչապետ Տիգրան Սարգսյանն անդրադարձավ «Գույքահարկի մասին» օրենքում կատարվելիք փոփոխություններին, որոնցով եկեղեցին ազատվում է գույքահարկ վճարելուց: «Այստեղ ոչ  մի արտառոց բան չկա, օրենքը պետք է այդ հնարավորությունը ստեղծի։ Համայնքները ֆինանսական վնասներ չեն կրելու, որովհետև հաշվարկները, որ կատարել է տարածքային կառավարման նախարարությունը, ցույց են տալիս, որ  այսօր այդ կալվածքների վարձակալությունը չնչին գումարներ է կազմում, և ֆինանսական վնաս չի լինի»,- պարզաբանեց վարչապետը:

Սակայն եկեղեցապատկան տարածքներում մարզադաշտերի, ճաշարանների, սրճարանների, կինոթատրոնների, հանգստյան տների եւ այլ` եկեղեցուն ոչ անհրաժեշտ տարածքների ներառումն այդ ցանկում վարչապետը բացառեց:

Տիգրան Սարգսյանը տեղյալ չէ ներկայացված նախնական ցանկից, ուստի հրաժարվեց գնահատականներ տալ: