Խոսող գրքերի ժամանակը

Այսօր տեղի ունեցավ դրամատուրգ Կարինե Խոդիկյանի «Վերադառնում եմ, մոռացե'ք» ստեղծագործության աուդիո-գրքի շնորհանդեսը: Հեղինակը կարծում է, որ այսօր ժամանակը մարդուն չի բավականացնում, որպեսզի գիրք կարդա, եւ իրենք մարդկանց հնարավորություն են ընձեռում սրա միջոցով ժամանակ տնտեսել և տեղյակ լինել, թե ինչ նոր ստեղծագործություններ կան:

«Սա ժամանակակից տարբերակ է, որի միջոցով հնարավորություն է լինում ընթերցողին գրականության կողքին պահել: Նմանատիպ նորություններ, հատկապես` գրականության բնագավառում, հարկավոր են, քանի որ երիտասարդները գիրք չեն կարդում»,- ասաց ընթերցող Ռուբեն Դավթյանը` հավելելով, որ ցանկալի է նման ձեւով հասարակությանը մատուցել գրականության այն ստեղծագործությունները, որոնք պարտադիր պետք է ընթերցի յուրաքանչյուր հայ: