Ափսոս, որ ընդամենը 2 օր ունեմ. Բաշկիրովա

Երեկ «Երեւանյան հեռանկարներ» փառատոնի շրջանակներում «Արամ Խաչատրյան» համերգասրահի բեմում Հայաստանի պետական ֆիլհարմոնիկ նվագախումբն ու դաշնակահար Ելենա Բաշկիրովան էին, ծրագրում` Բեթհովենի թիվ 4 դաշնամուրային կոնցերտը եւ Բրամսի թիվ 1 սիմֆոնիան:

Բաշկիրովան Հայաստան է եկել ընդամենը 2 օրով, որը, ինչպես նշեց երաժիշտը, շատ քիչ էր իր համար:

«Ինձ շատ է դուր եկել այստեղ նվագել. մարդկանց, երաժիշտներին շատ եմ հավանել: Ցավում եմ, որ այսքան քիչ ժամանակով եմ Հայաստանում: Հուսով եմ` շուտով կվերադառնամ»,- yerkir.am-ի հետ զրույցում ասաց Բաշկիրովան:

Բարեբախտաբար, հանդիսատեսը պատրաստ էր համերգին. մասերը չէին ընդհատվում ծափահարություններով, ինչը փաստեց նաեւ Բաշկիրովան. «Նրանք շատ լավ էին լսում»: