ՀԱՅԿԱԿԱՆ ԺԱՄԱՆԱԿ. Խնդիրը չի լուծվել

Հայաստանի ատոմային էկեկտրակայանը, որ սեպտեմբերի 11-ից գտնվում է պլանային նորոգման մեջ, ամենայն հավանականությամբ, նախատեսված օրը` հոկտեմբերի 27-ին չի վերագործարկվի անհրաժեշտ կադրերի բացակայության պատճառով: ՀԱԷԿ ինժեներատեխնիկական կազմի 158 աշխատակիցներ մոտ մեկ ամիս առաջ  ազատման դիմում էին ներկայացրել` պահանջելով բարձրացնել իրենց աշխատավարձերը: Խնդիրը պետք է լուծվեր մեկ ամսում: Դրանից հետո, ըստ ՀՀ օրենսդրության, ազատման դիմումները համարվում են բավարարված:

ՀԱԷԿ գլխավոր տնօրեն Գագիկ Մարկոսյանը մեր թղթակցի հարցին, թե խնդրի լուծման առնչությամբ ինչ նորություն կա, պատասխանել է. «Այս պահին նորություններ չունենք: Աշխատանքները գնում են բնականոն հունով, բայց որեւէ նորություն չունենք»: Նա նաեւ հաստատել է, որ առանց ազատման դիմում ներկայացրած  աշխատակիցների ՀԱԷԿ-ը հնարավոր չէ վերագործարկել: