Բերեզովսկու զարմացած աչքերը որ տեսա, մեծ ցավ ապրեցի. Արզումանյան (տեսանյութ)

«Ուլիսի» գլխավոր մարզիչ Սևադա Արզումանյանը yerkir.am-ի հետ զրույցում խոսեց ազգային հավաքականի մասին.  «Մենք հպարտանալու հավաքական ունենք: Այդ հավաքական ուժով  ի զորու ենք պայքարել աշխարհի ցանկացած ընտրանու դեմ: Մեծ ափսոսանք կապրեմ, եթե Բերեզովսկին հավաքականում չլինի, երբ հավաքականն առանց Բերեզովսկու դուրս գա խաղադաշտ, մանավանդ, որ իր ուժերը ներում են»:

Սևադա Արզումանյանը նաև հույս հայտնեց, որ Ռուբեն Հայրապետյանը մեծի իրավունքով ինչ-որ որոշում կկայացնի կամ պայմաններ կստեղծի Ռոմանի մնալու համար:

«Նրա զարմացած աչքերը, որ խաղի ժամանակ տեսա, ամենացավալի վիճակը դա էր: Նա ինչքան սարսափ ու ցավ զգաց, որովհետև մի ամբողջ ազգի նպատակ կախված էր նաև իրենից: Ուզում եմ, որ ինչքան նրա առողջությունը ների, այնքան ֆուտբոլում մնա, լավատես եմ այդ հարցում»,- ասաց մարզիչը: