Բորիս Բերեզովսկու ունեցվածքի վրա կալանք է դրվել

Ռուսաստանի դատախազությունը եվրոպական իրավապահ մարմինների օգնությամբ կալանք է դրել օլիգարխ Բորիս Բերեզովսկու ունեցվածքի` շվեյցարական բանտում 40 մլն դոլարի բանկային հաշվի եւ երկու զբոսանավի վրա:

Նպատակը «Աերոֆլոտ» ընկերության գործով 100 մլն դոլարի վնասի փոխհատուցումն է: Այս տարվա ապրիլին հօգուտ «Աերոֆլոտի» հայց էր ներկայացվել դատարան, որը ներկայումս քննում է Անգլիայի եւ Ուելսի դատարանը: Իսկ 2007 թվականի նոյեմբերին ռուսական դատարանը Բերեզովսկուն հեռակա կարգով դատապարտել էր 6 տարվա ազատազրկման` ավիաընկերությանը պատկանող ավելի քան 214 մլն ռուբլին խաբեությամբ հափշտակելու համար:

Բորիս Բերեզովսկին ներկայումս բնակվում է Մեծ Բրիտանիայում` Պլատոն Ելենինի անվան տակ` փախստականի կարգավիճակով: