Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Այս տարի «Թանգարանային գիշեր» ակցիայի շրջանակներում կազմակերպվել էր յուրահատուկ խաղ. գիշերվա ընթացքում յուրաքանչյուրը, ով մուտք էր գործում թանգարան, գրանցվում էր` իր մոտ ունենալով կտրոն, որը օրվա վերջում գցում էր վերջին այցելության վայրում տեղադրված արկղը: Շատ թանգարաններ այցելողներին խոստացել էին անակնկալներ:
ՀՀ մշակույթի նախարարի տեղակալ Արև Սամուելյանը տեղեկացրեց, որ ակցիային այս տարի մասնակցել է մոտ 60 թանգարան, մրցանակ է ստացել 100 այցելու:
Մասնագիտությամբ ֆիզիկոս Նաիրա Աթոյանը Թանգարանային գիշերվա ընթացքում հասցրել է այցելել է 18 թանգարան: «Հայկական մշակույթով հետաքրքված եմ դեռ մանկուց: Մասնագիտությունս չի խանգարում, որպեսզի հետաքրքրվեմ մշակույթով: Կարծում եմ` եթե ցանկանում ես զարգացած լինել, պետք է հետաքրքրվես ամեն ինչով»,- ասաց նա yerkir.am-ի հետ զրույցում: