Լեհաստանում անցկացվել են խորհրդարանական ընտրություններ

Լեհաստանի վարչապետ Դոնալդ Տուսկը հայտարարել իր գլխավորած կուսակցության`  իշխող «Քաղաքացիական պլատֆորմի» հաղթանակի մասին:

Հեռուստաեթերում Տուսկը շնորհակալություն է հայտնել «Քաղաքացիական պլատֆորմին» ձայն տված ընտրողներին:

Ըստ «Ազատություն» ռադիոկայանի` հոկտեմբերի 9-ին Լեհաստանում կայացած խորհրդարանական ընտրությունների նախնական արդյունքների համաձայն` Տուսկի կուսակցությունը ստացել է ձայների 39,6 տոկոսը: Նախկին վարչապետ Յարոսլավ Կաչինսկու ընդդիմադիր պահպանողականների «Իրավունք եւ արդարություն» կուսակցության օգտին քվեարկել է ընտրողների 30,1 տոկոսը: Երրորդ տեղում ծայրահեղ լիբերալ «Պալիկոտայի շարժում» նոր կուսակցությունն է` 10 տոկոս ձայներով: