Մեր գրավոր ժառանգությունը

Եվրոպական մշակութային կոնվենցիային միացած 50 երկրներ այս տարի արդեն 26-րդ անգամ մասնակցում են Եվրոպայի խորհրդի և Եվրոպական հանձնաժողովի կողմից իրականացվող «Եվրոպական ժառանգության օրեր» ծրագրին:

Հայաստանը 6-րդ անգամ կմիանա ծրագրին` «Գրավոր ժառանգություն» խորագրի ներքո: Թեմայի ընտրությունը պայմանավորված է 2012 թվականին նախանշված երկու կարևոր մշակութային իրադարձություններով` Հայ գրատպության 500-ամյակի և ՅՈՒՆԵՍԿՕ-ի կողմից Երևանը գրքի համաշխարհային մայրաքաղաքի հռչակմամբ:

Հայաստանի ողջ տարածքում կկազմակերպվեն մշակութային միջոցառումներ. շուրջ 24 թանգարաններում, 10 հուշարձանների տարածքներում և բազմաթիվ այլ վայրերում կբացվեն ցուցադրություններ, կանցկացվեն դասախոսություններ: