ՀՐԱՊԱՐԱԿ. Անհիմն որոշում

Կոտայքի մարզի Հրազդան քաղաքի Մռավյանի անվան թիվ 4 դպրոցի շուրջ կրքերը եռում են: Նախօրեին դպրոցի ուսուցչական ողջ անձնակազմը, ծնողներն ու երեխաները մի քանի ժամ փակել էին դպրոցին հարակից Շահումյան փողոցը` պահանջելով վերականգնել դպրոցի տնօրեն Ռուբեն Առաքելյանին իր պաշտոնում:

Դպրոցի անձնակազմն ու ծնողներն անհասկանալի են համարում մարզպետ Կովալենկո Շահգալդյանի որոշումը, որով Ռուբեն Առաքելյանն ազատվել է պաշտոնից,  թեեւ հանձնել է տնօրենների քննությունը: Մարզպետարանում ուզում են այլ մարդու տեսնել դպրոցի տնօրենի պաշտոնում:

Փողոցը փակած ցուցարարների հետ հանդիպել են Կոտայքի փոխմարզպետ Լյովա Միքայելյանը, ԱԺ պատգամավոր Մխիթար Հարությունյանը, որոնք ասել են, թե 15 օրից նոր քննություն կլինի: