Մի թելի պատմություն

«Բալե'ս, ոստիկաններից մեկին հարցրի, թե այս թելը կարող եմ արդեն հանել, ասացին` հա, մորքո'ւր ջան, հանի: Ես էլ հարցրի, թե ինչ անեմ, ասաց` ինչ ուզում ես»,- պատմեց մի կին, ով ցանկացել էր ծառից ծառ տանող թելը, որը բաժանում էր փողոցը մայթից, իրեն վերցնել:

Սակայն էլ ի՞նչ տոն, առանց «հարամի». այն պահին, երբ խեղճ կինը Հանրապետության հրապարակից թելը կծկելով եկել-հասել էր Հանրապետության փողոցի մոտ, հանկարծ հայտնվել էր թելի տերը եւ «էս սարն իմն է, էս ծառն իմն է»-ն արտասանել:

- Ի՞նչ ես անում էս թելը:

-  Հավաքում եմ:

- Որ հետո ի՞նչ անես:

- Ինձ վերցնեմ:

- Բայց դրա տերը ես եմ,- կնոջ վրա այնպես էր գոռացել թելի տերը, որ խեղճ կինը «քոռ ու փոշման» թելը տվել էր հանկարծակի հայտնված տիրոջը:

Անկախ Հայաստանում անկախ տերեր են «ֆռֆռում»...

Կ. Հ.