Մոսկվայում հայ տաքսիստ են դանակահարել ու այրել

Կիրակի առավոտյան Մոսկվայի հարավ-արեւլքի աղբարկղերից մեկում հայտնաբերվել է 40-ամյա Սերգեյ Ավանեսյանի կիսաայրված դիակը:

Ինչպես տեղեկացնում է Новости գործակալությունը, նախնական տվյալներով` հանցագործներին հարկավոր է եղել նրա Volkswagen Golf մեքենան, որը հետագայում հայտնաբերվել է նույն թաղամասում:

Մահացածի ինքնությունը բացահայտելուց հետո ոստիկանները պարզել են, որ նա տաքսիստ է եղել, ընդ որում` տղամարդու անհետացման մասին մեկ օր առաջ ոստիկանությանը տեղեկացրել են նրա հարազատները:

Ավանեսյանին նախ դանակահարել են, ապա այրել աղբարկղում. մարմնի 80 տոկոսն այրված է:

Ավելի ուշ Մոսկվայի ոստիկանությունը ձերբակալել է 3 կասկածյալի: Նրանք Ռուսաստանի տարբեր շրջանների բնակիչներ են, իսկ Մոսկվա են եկել աշխատանք փնտրելու: