"Բանակում" հեռուստասերիալը դադարեցվելո՞ւ է

Լրատվական կայքերն այսօր լուրեր էին տարածել, թե պաշտպանության նախարարությունը «Շանթ» հեռուստաընկերության տնօրինությանը պարտադրել է փոփոխություններ կատարել «Բանակում» հեռուստասերիալի սցենարում, այլապես դրա  ցուցադրությունը կդադարեցվի:

Մենք փորձեցինք կապ հաստատել «Բանակում» հեռուստասերիալի ստեղծագործական խմբի հետ, սակայն նրանք հրաժարվեցին պատասխանել մեր հարցերին:

Իսկ ՀՀ պաշտպանության նախարարության մամուլի քարտուղար Դավիթ Կարապետյանը yerkir.am-ի հետ զրույցում նշեց, որ իրենք սերիալի հետ կապված որոշակի նկատառումներ հայտնել են եւ հույս ունեն, որ հեռուստասերիալի անձնակազմը որոշակի փոփոխություններ կմտցնի սցենարում:

Հիշեցնենք նաեւ, որ երեկ «Չենք լռելու» երիտասարդական նախաձեռնությունը «Եթերի աղբ» կոչումը շնորհել էր հենց «Բանակում» հեռուստասերիալին: