Հայաստանը արծաթե մեդալ է նվաճել

Օգոստոսի 19-28-ը Լյուքսեմբուրգում անցկացված «UNICA-73» անկախ ֆիլմերի կինոփառատոնին Հայաստանը արծաթե մեդալ էր ստացել «Դաժան սիրավեպ» անիմացիոն ֆիլմի համար:

«Այն անշահախնդիր սիրո մասին է, քարեդարյան պատմություն` համեմված ժամանակակից դրվագներով: Ֆիլմի ավարտին հերոսուհին պատժվում է շահամոլության համար»,- պատմեց ֆիլմի հեղինակ Շավարշ Համբարձումյանը:

«UNICA-73» կինոփառատոնն անցկացվում է 1937-ից: Այս տարի մասնակցել են 36 երկրների ներկայացուցիչներ։ Ոսկե մեդալի են արժանացել Արգենտինայի, իսկ Գրան պրիի` Իսպանիայի ներկայացրած ֆիլմերը:

«Ոչ կոմերցիոն կինոյի համահայկական կենտրոն»-ի (CANC) նախագահ Արտաշես Հովհաննիսյանի խոսքով` փառատոնին մասնակցած հայկական 7 ֆիլմերի առանձնահատկությունը փոքր բյուջե ունենալն է: