Այս պահին Երևանում sett-weather
Փոխարժեքներ 22 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 13 տարի առաջ - 2011-09-05 23:20
Քաղաքական

WikiLeaks. Սերժ Սարգսյանը հաղթել է փետրվարի 19-ին

WikiLeaks. Սերժ Սարգսյանը հաղթել է փետրվարի 19-ին

Վարչապետ Սերժ Սարգսյանի ավագ օգնական Միքայել Մինասյանը և աշխատակազմի խորհրդական Լևոն Մարտիրոսյանը ոչ պաշտոնական հանդիպման էին հրավիրել փոխդեսպանին և քաղաքական բաժնի ղեկավարին: 

«Ջերմ զրույցը տևել է ավելի քան 2 ժամ, շատ բաների շուրջ խոսեցինք: Երկու կողմերն էլ խոսեցին բաների մասին, որոնք չէին ասի, եթե հանդիպումը պաշտոնական լիներ: Ինչպես կարելի էր հասկանալ` նրանք ցանկանում էին իմանալ նախընտրական տրամադրությունների մասին: Մենք նշեցինք, որ Սարգսյանը բոլոր թեկնածուներից ամենաշատն է ձայներ հավաքել փետրվարի 19-ին...

Մենք կառավարությանը կոչ արեցինք հրաժարվել ընդդիմության նկատմամբ ճնշումներից և բռնություն չկիրառել նրանց` Ազատության հրապարակից հանելու ժամանակ: 

Այն ժամանակ մենք նրան ասացինք, որ թեեւ Սարգսյանը հաղթել է փետրվարի 19-ին, բայց նա պարտվում է հասարակական կարծիքի համար տարվող ճակատամարտում: Ընդդիմադիր գործիչներին բանտարկելը բոլորովին չի նպաստում Սարգսյանի օրինական նախագահ դառնալու ձգտմանը: 

Ավելի լավ է` թողնել բողոքն աստիճանաբար մարի: Մինասյանը պատասխանեց, որ ամեն առավոտ Սարգսյանը կանչում է ոստիկանության համապատասխան ղեկավարներին և ասում. «Եթե որևէ խնդիր լինի, ես անձամբ ձեզնից եմ պատասխանատվություն պահանջելու, և ինձ համար միևնույն է, թե ով ինչ է արել»: 

…Վերջում հիմնական թեման այն էր, որ վարչապետն արել է ամեն ինչ իր ուժերի ներածին չափով արդար և թափանցիկ ընտրություններ և հետընտրական գործընթաց ապահովելու համար: Սակայն Քոչարյանը «ուժեղ նախագահ» է և դեռևս պաշտոնավարում է, եւ Սարգսյանի ազդեցությունը նրա վրա սահմանափակ է: Մինասյանը նշել է, որ պաշտոնը ստանձնելու դեպքում Սարգսյանը հույս ունի հաստատել օրենքի գերակայություն և վերջ տալ օլիգարխների անպատժելիությունը: Սակայն դա կլինի շատ դժվար, եթե նա ստիպված լինի հույսը դնել նման մարդկանց աջակցության վրա ներկա քաղաքական խառնաշփոթում: «Եթե Արեւմուտքը հիմա աջակցի Սարգսյանին, դա անպատժելիությանը և չարաշահմանը վերջ տալու լավագույն ձևը կլինի», ասել էր Միքայել Մինասյանը»: 

Այս նամակը հրապարակել է WikiLeaks-ը: Այն գրվել է ԱՄՆ դեսպանի ժամանակավոր հավատարմատար Ջոզեֆ Փենինգթոնի կողմից:

աղբյուր` zham.am
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը