Քարոզչությունը սկսել են ժամանակից շուտ

Այսօր ավարտվում է ԼՂՀ-ում սեպտեմբերի 18-ին կայանալիք տեղական ինքնակառավարման մարմինների ընտրություններում համայնքի ղեկավարների եւ ավագանու անդամների թեկնածուների գրանցումը:

Օրենքով նախընտրական քարոզչությունը պետք է սկսվի վաղը, սակայն այսօր առավոտյան արդեն մայրաքաղաք Ստեփանակերտում սկսվել է քարոզչությունը. առավոտյան Ստեփանակերտի մանկապատանեկան մարզադպրոցի շենքի ճակատային մասում արդեն հայտնվել էին համայնքի ղեկավարի թեկնածու Սուրեն Գրիգորյանի նախընտրական շտաբի ցուցանակը, նրա նախընտրական պաստառները՝ ծրագրով եւ նկարով:

Yerkir.am-ին ԿԸՀ-ում ասացին, որ տեղյակ չեն այդ փաստի մասին: ԿԸՀ-ի նախագահից այս պահին չենք կարող որեւէ մեկնաբանությունը ստանալ. նա խոստացել է մեր թղթակցի հետ հանդիպել այսօր` ժամը 19:00-ից հետո: