IBM-ը ստեղծել է ուղեղի աշխատանքը վերարտադրող չիպեր

IBM-ը հայտարարել է պրոցեսորների մշակման բնագավառում իր հաջողությունների մասին. նոր պրոցեսորներն ընդունակ են նմանակելու մարդու ուղեղի մտավոր գործընթացները` վերլուծել, հասկանալ եւ մեկնաբանել տվյալները:

IBM-ի փորձարարական արտադրանքը կենսաբանական տարրեր չի պարունակում. դրանց փոխարեն էլեկտրոնային շղթաներ են: Երկու պրոցեսորն էլ պատրաստված են 45 նանոմետրանոց տեխնոլոգիայով եւ պարունակում են 256 «թվային նեյրոններ»:

«Այս չիպերը զգալի քայլ են համակարգիչների էվոլյուցիայում` հաշվիչ մեքենաներից մինչեւ համակարգեր, որոնք ընդունակ են ինքնուսուցման եւ խորհրդանշում են նոր սերնդի համակարգիչների սկիզբը»,- ասել է նախագծի ղեկավար Դամենդրա Մոդհան: 

Ի դեպ, IBM Research-ն արդեն 21 մլն դոլարի դրամաշնորհ է ստացվել Պենտագոնի հեռանկարային հետազոտությունների վարչությունից: