Բարի դեմքով փիսոներն առաջացնում են ուղեղի քաղցկեղ

Ֆրանսիացի գիտնականները` Ֆրեդերիկ Տոմասի գլխավորությամբ, տագնապալի հայտարարություն են արել. կատուները կարող են տերերի մոտ ուղեղի քաղցկեղ առաջացնել: Ինչպես տեղեկացնում է doctors.am-ը, փաստը գիտնականները կապում են կատուների ստամոքսում ապրող մակաբույծների հետ:

Խոսքը Toxoplasma gondii մակաբույծների մասին է: Վիճակագրության համաձայն` դրանք կարելի է գտնել երկրի բնակչության 1/3-ի ուղեղում: Մակաբույծներն առաջացնում են բնավորության փոփոխություն` ինչպես կենդանիների, այնպես էլ մարդկանց մոտ: Ընդ որում` դրանք կարող են բազմանալ միայն կատուների մեջ, որոնք այնուհետև տեղափոխում են դրանց ձվերը` փոխանցելով վարակը:

Հղի կանանց արդեն արգելել են մաքրել կատուների տնակները, քանի որ դա կարող է հանգեցնել անգամ պտղի մահվան: