Իոսիֆ Ստալինն ուներ ուղեղի դեգեներատիվ վիճակ

Բժիշկ Ալեքսանդր Մյասնիկովի` մինչ այս չհրապարակված անձնական կենսագրությունում ասվում է, որ Ստալինը տարել է ուղեղի արյունատար անոթների վատթարացող կարծրացում:

Նա գրել է, որ այդ վիճակից մթագնում էր իրադրությունն օբյեկտիվորեն գնահատելու` խորհրդային բռնապետի կարողությունը և ավելացնում դաժանությունը:

Երեկ Ռուսական «Մոսկովսկիյ Կոմսոմոլեց» թերթում  առաջին անգամ հրապարակված հանգուցյալ բժիշկ Մյասնիկովի հուշերում ասվում է, որ պետությունը  նա հիմնականում ղեկավարել է  հիվանդ վիճակում:

«Ես հաստատում եմ, որ Ստալինի դաժանությունն ու հոգեվարքը, նրա սարսափը թշնամիներից, մարդկանց ու դեպքերի լրջամտորեն գնահատելու անկարողությունը, ինչպես նաև նրա ահավոր  համառությունը արդյունք էին նրա ուղեղում անոթների աթերոսկլերոզի»:

Ստալինի պարագայում անոթների կարծրացումը կարող էր շատ ծխելու հետևանք լինել:

Ստալինը մահացել է 1953թ.մարտի 5-ին, 74 տարեկան հասակում, Մոսկվայից դուրս իր առանձնատներից մեկում` ինսուլտից: Շրջանառության մեջ բազմաթիվ տեսակետներ կային, օրինակ, որ նրան թունավորել են իր շրջապատում, սակայն չկա մի ծանրակշիռ ապացույց` հաստատելու դա:    

Բժիշկ Մյասնիկովը, որը բռնապետի վերջին օրերին բուժզննում իրականացնող բժիշկների խմբում էր, և ներկա էր դիահերձմանը, որևէ արտառոց բան չի նշել:

Մինչդեռ, իր հուշերում նա գրել է, որ բռնապետի գլխուղեղի կարծրացած անոթները, որոնք տեսել է դիահերձման ժամանակ, վստահեցրել են, որ այդ վիճակը երկար տարիների ընթացքում  ավելի է վատթարացրել Ստալինի արդեն իսկ բարդ բնավորությունը: 

«Կարելի է ենթադրել, որ դա ստիպել է նրան կորցնելու լավին ու վատին, բարեկամին ու թշնամուն տարբերակելու կարողությունը». գրել է նա:

«Միևնույն ժամանակ, մարդկանց անհատականության գծերը դառնում են գերաճած. խիստ մարդը դառնում է չար, քիչ կասկածամիտը` հիվանդագին: Սա միանգամայն համապատասխանում է Ստալինի կյանքի անցած տարիներին ունեցած վարքագծին»:

Մոտ երեք տասնամյակ ղեկավարած Ստալինի վերջին տարիները հատկանշական էին ներքին գազանային արտաքսումներով Խորհրդային Միության ժողովուրդների շրջանում, խորհրդային բժիշկներին ու բարձրաստիճան պաշտոնյաներին կասկածելով իր դեմ կազմակերպած դավադրության մեջ:    

Բժիշկ Մյասնիկովի կենսագրությունը երկար տարիներ թաքցվում էր ՊԱԿ-ի կողմից, սակայն այժմ նրա ընտանիքը պատրաստվում է հրատարակել «Ես ուսումնասիրել եմ Ստալինին» վերնագրով գրքի տեսքով: