Սեւան-Երեւան ճանապարհին այրվել է երեխաներով ավտոբուս

Գեղարքունիքի մարզում այսօր` ժամը 12-ի սահմաններում, ՊԱԶ մակնիշի ավտոբուսը Սեւան-Երեւան ավտոճանապարհի 56-րդ կիլոմետրում դեռեւս անհայտ պատճառներով կրակի ճարակ է դարձել: 

Ավտոբուսում եղել են երեխաներ եւ ուսանողներ՝ 16 ուղեւոր, որոնց վառվող ավտոբուսից դուրս են բերել հրդեհի վայրի հարեւանությամբ գործող գազալցակայանի, Սեւանի հրշեջ ծառայության փրկարարներն ու ոստիկանության աշխատակիցները: 

Ավտոբուսի վարորդը` Արագածոտնի մարզի Կոշ գյուղի բնակիչ, 33-ամյա Կարեն Մեխակյանը այրվածքներով տեղափոխվել է Սեւանի հիվանդանոց: 

Փաստի առիթով ոստիկանության Սեւանի քննչական բաժանմունքում նյութեր են նախապատրաստվում: Կատարվում են փորձաքննություններ: