Վերաբնակչի կարգավիճակ՝ 9 ընտանիքի

Այս տարվա հուլիսին Արցախում վերաբնակչի կարգավիճակ է տրվել 9 ընտանիքի` բաղկացած 29 անձից, որոնցից 12-ը երեխաներ են:

Այս մասին տեղեկանում ենք ԼՂՀ սոցիալական ապահովության նախարարության կայքում տեղադրված` հուլիս ամսին նախարարության կատարած աշխատանքների մասին հաշվետվությունից: Դրա համաձայն՝ ԼՂՀ-ում մշտական բնակություն հաստատելու եւ վերաբնակչի կարգավիճակ ստանալու համար մուտքագրվել են 16 ընտանիքների դիմում-փաստաթղթեր:

Ըստ նույն աղբյուրի՝ անցած ամսին հանրապետության Շահումյանի շրջանի 2576 բնակչի տրամադրվել է օգտագործված էլեկտրաէներգիայի կամ վառելափայտի դիմաց դրամական օգնություն, իսկ Քաշաթաղի շրջանում` 7117 բնակչի: