կարևոր
1474 դիտում, 3 ամիս առաջ - 2022-10-22 14:38
Քաղաքական

Հայտնվել ենք այն իրականության մեջ, որ այդ «դատարանը» կալանավորում է պարզապես դատավորի օգնականի կարգավիճակ ունեցող աղջկա․ Արամ Վարդևանյան

Հայտնվել ենք այն իրականության մեջ, որ այդ «դատարանը» կալանավորում է պարզապես դատավորի օգնականի կարգավիճակ ունեցող աղջկա․ Արամ Վարդևանյան

2021 թվականին ստեղծվեց նոր մասնագիտացած դատարան մինչդատական քրեական վարույթի նկատմամբ դատական վերահսկողության գործերով, հանրության կողմից հայտնի «Կալանքի դատարանը»: Այդ «դատարանի» համար ընտրվեցին հիմնականում հատուկ «դատավորներ»: Համոզված եմ, որ հանրության պահանջը դատական բարեփոխումների մասով «Կալանքի դատարան» ստեղծելը չէր, դա օրվա իշխանությունների պատկերացումն էր: Այս մասին գրում է «Հայաստան» խմբակցության պատգամավոր Արամ Վարդևանյանը։

Այսօր հայտնվել ենք այն իրականության մեջ, որ այդ «դատարանը» կալանավորում է 22 տարեկան, պարզապես դատավորի օգնականի կարգավիճակ ունեցող աղջկա: Կալանքի ֆետիշը հենց սա է: Հենց այս բոլոր իմաստներով անընդունելի երևույթի մասին խոսել եմ բազմիցս: Պատկերացրեք մի դատական համակարգ, որի ընկալումը այն է, որ 22 տարեկան իրավաբանի մասնագիտացում ունեցող աղջիկը, ով պարզապես դատավորի օգնական է, ում վերաբերյալ որևէ սարսափելի ապացույցներ չկան պետք է հենց կալանավորվի: Նման ելակետորով իրավապահ համակարգի ռեպրեսիվ արձագանքը պարզապես անձնական ազատության իրավունքը ձևական դարձնելն է, թղթի վրա թողնելն է:

Հիշեցնեմ ըստ քրեական դատավարության օրենսգրքի՝ Դատախազությունը ցանկացած պահի կարող է փոխել այս իրավիճակը պարզապես հանձնարարելով քննիչին ազատ արձակել կալանավորված անձին, դրանով կալանավորումների ֆետիշը կանխելու հստակ մոտեցում ցուցաբերել, բայց նման գործողություն որևէ դեպքով չենք տեսել...։