Ալեքսանդր Արզումանյանը դուրս եկավ ՀՀՇ-ից

ՀՀ նախկին արտգործնախարար Ալեքսանդր Արզումանյանն օգոստոսի 17-ին դիմում է ներկայացրել ՀՀՇ կուսակցությունից դուրս գալու մասին:

ՀՀՇ քարտուղար Վահագն Հայոցյանը նշել է, որ Արզումանյանի դիմումը մակագրվել է, ընդունվել ի գիտություն. «Սա նշանակում է, որ այսուհետ Ա.Արզումանյանը ՀՀՇ կուսակցության անդամ չէ»:

Հիշեցնենք, որ նախօրեին Ա.Արզումանյանը, ի պատասխան «Հայկական ժամանակի» հարցին, թե դո՞ւրս է եկել ՀՀՇ-ից, նյարդայնացած նշել էր` եթե այդպիսի բան լինի, ինքը գաղտնի չի պահի:

Արզումանյանը մտադիր է դառնալ «Ազատ դեմոկրատներ» կուսակցության անդամ, սակայն դեռեւս դիմում չի գրել: «Ակնհայտ է, որ նա իր անդամագրումը ԱԴ-ին ուզում է վերածել համապետական ծեսի»,- գրում է թերթը: