Գյուղացուն հնարավորություն են տալիս վաճառել սեփական արտադրանքը

ՀՀ գյուղատնտեսության նախարարությունը եւ Երևանի քաղաքապետարանը Երեւանում կազմակերպում են գյուղմթերքի տոնավաճառ, որի նպատակն է ՀՀ բոլոր մարզերում գործող գյուղացիական տնտեսություններին հնարավորություն ընձեռնել` անվճար հիմունքներով երեւանյան սպառողներին ներկայացնել սեփական գյուղատնտեսական արտադրանքը` ձեւավորելով գյուղմթերքի փոխշահավետ գին:

Արմավիրի Գյուղատնտեսության աջակցման մարզային կենտրոնը տեղեկացնում է, որ տոնավաճառը գործելու է ս.թ. օգոստոսի 21-ից` յուրաքանչյուր շաբաթ եւ կիրակի օրերին` ժամը 9:00-ից մինչեւ 20:00-ը, Կասյան եւ Կոմիտասի փողոցների հատման տարածքում: Կարելի է վաճառվել գյուղացիական տնտեսությունների կողմից արտադրված կամ վերամշակված ցանկացած գյուղատնտեսական մթերք` բացառությամբ թարմ մսից: Տոնավաճառում վաճառվող ապրանքը պետք է լինի միայն վաճառողի սեփական արտադրանքը: Մասնակցությունն անվճար է:

Մասնակիցները պետք է ներկայացնեն անձը հաստատող փաստաթուղթ եւ «Արմավիրի ԳԱՄԿ» ՊՓԲԸ-ի տեղեկանքը: Տոնավաճառին մասնակցող գյուղացիական տնտեսություններին կտրամադրվեն տաղավարներ, վրաններ, կշեռքներ (2 մասնակցին` 1 կշեռք) եւ արտահագուստ (գոգնոցներ եւ գլխարկներ): Կապահովվեն նաեւ այլ օժանդակ պայմաններ (պարեկային եւ բժշկական ծառայություններ, կայանատեղի, զուգարան, սնունդ եւ այլն):