Թուրքմենստանում փակվում են թուրքական դպրոցները

Թուրքմենստանում օգոստոսի 1-ից փակվում են դեռեւս 1990-ական թվականների սկզբից գործող թուրքական դպրոցները: Դա պայմանավորված է նրանով, որ երկրի իշխանությունները դժգոհ են այդ ուսումնական հաստատություններում «Նուրջուլար» պանթյուրքիստական շարժման ազդեցությունից:

Ինչպես տեղեկացնում է Lenta.ru-ն, շարժման հետեւորդները պանթյուրքիստական գաղափարներ են քարոզում դպրոցներում եւ հավաքագրում շրջանավարտներին, ապա կաշառքի միջոցով եւ այլ ապօրինի եղանակներով նրանց համար իշխանական աթոռներ են ապահովում։

Ներկայումս Աշխաբադում մնացել է մեկ թուրքական ուսումնական հաստատություն` Աթաթուրքի անվան դպրոցը:

Ի դեպ, մի քանի տարի առաջ նույն պատճառով փակվել էին Ուզբեկստանում գործող թուրքական վարժարանները։