Սաուդյան Արաբիան փակում է թուրքական դպրոցները

Սաուդյան Արաբիայի կառավարությունը, որը 2020 թվականից սատարում է «Արտադրված է Թուրքիայում» պիտակով ապրանքների ոչ պաշտոնական բոյկոտին, փակել է հինգ թուրքական դպրոցներ Մեքքայում և Մեդինայում. հայտնում է Sözcü թերթը:

«Չնայած Անկարայի բոլոր ջանքերին՝ արաբական ամենամեծ միապետության կառավարությունը դեռ 2020-ի վերջին էր որոշել դադարեցնել թուրքական կրթական հաստատությունների գործունեությունը սաուդյան քաղաքներում, որտեղ գտնվում են հիմնական իսլամական սրբությունները»,- նշում է Sözcü-ն՝ վկայակոչելով Ահմեթ Էմրե Բիլգիլիին՝ Թուրքիայի կրթության նախարարության բարձրաստիճան պաշտոնյային:

«Մենք աշխատում ենք դպրոցները վերաբացելու ուղղությամբ»,- ասել է Բիլգիլին թուրքական թերթին: