Թուրքմենստանում զորահանդեսի ժամանակ ցուցադրվել են թուրքական Bayraktar ԱԹՍ-ներ

Թուրքմենստանում անցկացվող զորահանդեսի ժամանակ առաջին անգամ ցուցադրվել են թուրքական Bayraktar TB2 անօդաչու թռչող սարքեր:

Աշխաբադ մայրաքաղաքում Թուրքմենստանի պետական ինքնիշխանության 30-ամյակի կապակցությամբ պաշտոնական տոնակատարությունները սկսվել են Անկախության հուշարձանին ծաղիկներ դնելով: Հիմնական միջոցառումներն անցկացվել են Պետական տրիբունի՝ վերջերս բացված համալիրի մոտ, որը գտնվում է Կոպետդագի ստորոտին: Այստեղ Թուրքմենստանի նախագահն ընդունել է զորահանդեսը, զորքերի շրջայց կատարել՝ ողջունելով և շնորհավորելով շքերթի անձնակազմին Անկախության օրվա առթիվ:

Հանդիսավոր շքերթին հաջորդել է նորագույն ռազմական տեխնիկայի, հատուկ ռազմական մեքենաների, հակատանկային հրթիռային համակարգերի, հետախուզական ինքնաթիռների երթը:

Թուրքմենստանը հերթական երկիրն է, որ ձեռք է բերել թուրքական ԱԹՍ–ներ։