Թուրքմենստանում մեկնարկել են նախագահական ընտրությունները

Փետրվարի 12-ի առավոտյան Թուրքմենստանում մեկնարկել են նախագահական ընտրությունները, հաղորդում է РИА Новости-ն:

Աղբյուրը մանրամասնում է, որ տեղական ժամանակով ժամը 7:00-ին երկրում բացվել է ավելի քան 2,5 հազար ընտրատարածք. ընտրությունները կտևեն մինչև տեղական ժամանակով ժամը 19:00-ն:

Նշվում է, որ ընտրելու հնարավորություն կունենա 3,22 միլիոն մարդ: Հաղթող կճանաչվի այն թեկնածուն, ով կհավաքի ընտրություններին մասնակցածների ձայների կեսից ավելին:

Հայտնի է, որ նախագահի պաշտոնին հավակնում է 9 թեկնածու. ֆավորիտ է համարվում երկրի գործող նախագահ Գուրբանգուլը Բերդըմուհամեդովը, ով նախագահի պաշտոնը զբաղեցնում է 2007 թվականից: