Ո՞ւմ է պատկանում ընդերքը

Հուլիսի 19-ին գործադիրը քննարկել է ՀՀ պետական կառավարման գերատեսչությունների 2011 թ. առաջին կիսամյակի գնահատված կատարողականների, գործունեության միջոցառումների ծրագրի եւ գերակա խնդրիների կատարման մասին հաշվետվությունները:

Այսպես` Հայաստանի բնապահպանության նախարար Արամ Հարությունյանը զեկուցել է, օրինակ` Սեւանա լճի խնդիրների հաղթահարման մասին: Իսկ Հայաստանի էներգետիկայի եւ բնական պաշարների նախարար Արմեն Մովսիսյանը ներկայացրել է իր ղեկավարած գերատեսչության գերակայությունները:

Երկուսն էլ չեն անդրադարձել հանքարդյունաբերությանը, եւ դա զարմանալի չէ. այդպիսով նրանք հաստատում են, որ իրենց ձեռքերը «կեղտոտվել» են վերջին շրջանում քննարկման առարկա դարձած եւ շրջակա միջավայրի համար ամենախոցելի ոլորտի գործարքներում: