Օդաչու էլ չունեն...

Ադրբեջանի պաշտպանության նախարարության աղբյուրը թերթին հայտնել է, որ շքերթից մի քանի շաբաթ առաջ ադրբեջանցի օդաչուներին հանել են վարժանքներից:

Շքերթին մասնակցած Սու-25, Լ-39 և ՄիԳ-29 կործանիչները, բացի մեկից, վարել են Իսրայելից հրավիրված օդաչուները: Դա արվել է շքերթի անվտանգությունն ապահովելու նպատակով: Այդ պատճառով էլ նախապես ծրագրված ավիաշոուն հետաձգվել է:

Շքերթից 15 օր առաջ հայտարարվել էր, որ Ադրբեջանի օդուժը Բաքվի օդում պետք է տարբեր ակրոբատիկ թռիչքներ իրագործեր, սակայն շքերթի օրը ռազմական ինքնաթիռներն ու ուղղաթիռները շոուի փոխարեն երկու անգամ միայն ուղիղ գծով անցել են հրապարակի վրայով: