Վրաստանի առաջին կին օդաչու Նադեժդա Բենկլյանը մրցանակի է արժանացել ՆԱՍԱ-ի տիեզերագնացի կողմից

Վրաստանի քաղաքացիական ավիացիայի առաջին և միակ կին օդաչուն՝ հայ Նադեժդա Բենկլյանը, արժանացել է ԱՄՆ-ի դեսպանատան «Կանանց առաջնորդության և քաջության համար» մրցանակին. հայտնում է Sputnik Грузия-ն:

Մրցանակը նրան է հանձնել ՆԱՍԱ-ի տիեզերագնաց Հայդի Ֆայֆերը: 

«Սա մեծ պատիվ է ինձ համար, առավել ևս, որ մրցանակն ինձ շնորհել է նման անձնավորություն: Ես հիացած եմ նրանով: Սա այնպիսի անհավանական զգացում է, երբ նման մարդ հիանում է քեզնով: Պարզվում է՝ նա ցանկանում էր օդաչու դառնալ, սակայն չի կարողացել՝ տեսողության հետ կապված խնդիրների պառճառով»,- ասել է Բենկլյանը:

Բենկլյանը սկսել է աշխատել Georgian Airways վրացական ավիաընկերությունում մի քանի ամիս առաջ: