Սպանել է նախկին ընկերուհու սիրեկանին

Մերձմոսկովյան շրջանի ոստիկանության ենթասպան կրակել է երկու հոգու վրա, այնուհետեւ փորձել է ինքն իրեն գնդակահարել: Ինչպես հաղորդում է ИТАР-ТАСС-ը, դեպքը տեղի է ունեցել Օդինցովսկոյե շրջանի Կրիմսկոյե գյուղում:

Ինչպես նշել է ՌԴ ներքին գործերի նախարարության Մերձմոսկովյան շրջանի ղեկավար Եվգենի Գիլդեեւը, 43-ամյա ոստիկանության ենթասպան ինքնակամ լքել է ծառայակետը եւ գնացել է 30-ամյա կնոջ տուն, ում հետ նախկինում ապրելիս է եղել: Կնոջը գտնելով մեկ այլ տղամարդու հետ` նա հանել է հրազենը եւ կրակել է նրա ձեռքին եւ նրա երեսունամյա սիրեկանի կրծքին:

Սիրեկանը տեղում մահացել է: Ենթասպան այնուհետեւ ցանկացել է ինքասպան լինել` գլխին կրակելով, սակայն միայն ծանր վիրավորվել է: Նա այժմ գտնվում է վերակենդանացման բաժանմունքում: