Ի՞նչ է ակնկալում Նադալը Ուիմբլդոնից

Ուիմբլդոնի գործող չեմպիոն, աշխարհի ուժեղագույն թենիսիստ, իսպանացի Ռաֆայել Նադալը հերթական անգամ խոսել է իր և Ռոջեր Ֆեդերերի որոշիչ մրցելույթների մասին:

«Ռոջերի հետ եզրափակչում խաղալը յուրօրինակ հաճույք է: Նա իսկական ջենթլմեն է: Մեր պայքարում մի դրական կողմ կա` մենք երկուսս էլ նույնկերպ ենք ընկալում թե' հաղթանակը, թե' պարտությունը: Ընտրության դեպքում ես կցանկանայի եզրափակչում մրցել Ռոջերի հետ, քանի որ Ջոկովիչի հետ այս մրցաշրջանում ելույթներս չեն ստացվում: Մյուս կողմից` չեմ կարծում, որ ողջ կարիերայիս ընթացքում պետք է պարտվեմ Նովակին և հաղթեմ Ռոջերին: Ամեն ինչ կախված է նրանից, թե ինչ տրամադրվածությամբ մենք դուրս կգանք պայքարի»,- Նադալի խոսքերն է մեջբերում սերբական Blic-ը: