Նադալը հանդերձարանում լաց է եղել

Ռաֆայել Նադալը փետրվարի 8-ին վերադարձել է Բարսելոնա, որպեսզի ներկայացնի գարնանային Barcelona Open BancSabadell-2011 մրցաշարը: Հաղթողի մրցանակն արդեն 5-րդ անգամ անընդմեջ հանձնվում է նրան:

Արարողության ժամանակ աշխարհի թիվ 1 թենիսիստն ափսոսանք է հայտնել, որ չի կարողացել գալ Բարսելոնա անցած մրցաշրջանում:

«Այդ ժամանակ աջ ծնկիս հետ կապված լուրջ խնդիրներ ունեի: Այդ որոշմանը ես հեշտ չհանգեցի, սակայն հիմա գիտակցում եմ դրա ճիշտ լինելը»,- ասել է Ռաֆան: 

Նա նաեւ ասել է, որ Australian Open-2011-ի ժամանակ իր հայրենակից  Դեւիդ Ֆերերից կրած պարտությունն այնքան ցավալի էր իր համար, որ նույնիսկ հանդերձարանում լաց է եղել:

Այժմ Նադալը մարզվում է և պատրաստվում է մարտի 4-6-ը մասնակցել Դեւիսի գավաթի խաղարկությանը ընդդեմ Բելգիայի հավաքականի: