Բեն Լադենը ցանկանում էր անվանափոխել "Ալ Քաիդան"

Ուսամա բեն Լադենը մահից առաջ ցանկացել է անվանափոխել իր ղեկավարած ահաբեկչական կազմակերպությունը` «Ալ Քաիդան»:

Ինչպես տեղեկացնում է Gazeta.ru-ն, բեն Լադենի մահից առաջ արված գրառումները վկայում են այն մասին, որ կազմակերպությունը նախապես կոչվել է al-Qaida al-Jihad` Սուրբ պայքարի հիմք:

Ահաբեկիչը շատ լավ տեղյակ էր մարկետինգի հիմունքներին եւ համարում էր, որ «Ալ Քաիդա»-ի անվանափոխությունը թարմություն կհաղորդի դրան:

Նոր անվան հավանական տարբերակներից են եղել Taifat al-Tawhed Wal-Jihad-ը (Մոնոթեիզմ եւ ջիհադի խումբ) կամ էլ Jama'at I'Adat al-Khilafat al-Rashida (Խալիֆայության վերականգնում):

Բեն Լադենին չէր գոհացնում այն, որ «Ալ Քաիդա» անվան մեջ չկան այն բառերը, որոնք կվկայեն իրենց պայքարի էության մասին, այսինքն` պայքարը հանուն մուսուլմանների: