Դարձյալ Ստեփանակերտի օդանավակայանի մասին

Արցախի նախագահ Բակո Սահակյանը երեկ հանդիպում է ունեցել Հայաստանի հանրապետության ԿԱ քաղաքացիական ավիացիայի գլխավոր վարչության պետ Արտյոմ Մովսեսյանի գլխավորած պատվիրակության հետ:

Ինչպես հայտնում են նախագահի աշխատակազմի տեղեկատվության գլխավոր վարչությունից, հանդիպման ընթացքում քննարկվել են Արցախում քաղաքացիական ավիացիայի զարգացմանը եւ այս ոլորտում երկու հայկական պետությունների համագործակցությանը վերաբերող հարցեր:

Հատուկ ուշադրություն է դարձվել Ստեփանակերտի օդանավակայանի վերագործարկման աշխատանքներին, որոնց մասին տեղեկություններ է ներկայացրել ԼՂՀ ԿԱ քաղաքացիական ավիացիայի վարչության պետ Դմիտրի Ատբաշյանը:

Երկրի ղեկավարն ընդգծել է, որ օդանավակայանը Արցախի ռազմավարական կարեւորագույն օբյեկտներից է, եւ դրա շահագործման ուղղությամբ տարվող աշխատանքները պետք է անթերի իրականացվեն: