Ստեփանակերտի օդանավակայանի վերագործարկման համար

Մինչ ադրբեջանական կողմը սպառնում է ոչնչացնել Ստեփանակերտ թռչող օդանավերը, Արցախում օդանավակայանի վերագործարկման պատրաստություն են տեսնում:

Օրերս գործադիրը հաստատել է Ստեփանակերտի օդանավակայանի վերագործարկման կապակցությամբ զբոսաշրջության ոլորտում իրականացվելիք միջոցառումների ցանկը:

Ըստ այդ ցանկի՝ կբացվի օդանավակայան-Ստեփանակերտ բարձրակարգ ավտոբուսային հատուկ երթուղի` զբոսաշրջության տեղեկատվական կենտրոնի կանգառով: Կբարեկարգվի օդանավակայանից Ստեփանակերտ ձգվող մայրուղին, ինչպես նաեւ «Մենք ենք, մեր սարերը» հուշարձանի տարածքը:

Աշխատանքներ կիրականացվեն նաեւ տեղեկատվական նյութերի տարածման եւ օդանավակայանում մուտքի արտոնագրի տրամադրման կազմակերպման ուղղությամբ: