Պետք է մեծացնել արտահանման ծավալները

Տնտեսության առաջընթացի համար կարեւոր քայլերից մեկը պետք է լինի այն, որ լուրջ միջոցներ կիրառվեն արտահանման ծավալները մեծացնելու ուղղությամբ: Դրա համար հարկավոր է մշակել ռազմավարություն, աջակցություն ցուցաբերել ձեռնարկություններին` արտասահմանյան շուկաներ մտնելու համար:

Այսօր լրագրողների հետ հանդիպման ժամանակ Հայաստանի գործատուների հանրապետական միության նախագահ Գագիկ Մակարյանն ասաց, որ ներկայումս արտահանման ոլորտում առաջնային խնդիրներից մեկը ձեռնարկությունների ցածր արտադրողականությունն է:

Այս դեպքում նրանց խնդիրը ներքին շուկայի պահանջարկը բավարարելն է: Պետք է վարկավորման կամ այլ ծրագրերի միջոցով աջակցել նրանց` վերազինվել նոր կադրերով եւ տեխնոլոգիաներով: