ՀԱՅՈՑ ԱՇԽԱՐՀ. Ամենադրական արդյունքը

«Մենք չենք մոռացել, որ երեք տարի առաջ, երբ ՀՀՇ կամ ՀԱԿ առաջնորդը վերսկսում էր իր քաղաքական կարիերան, հայտարարեց, թե, բացի իշխանությունից, երբեք ոչ մի այլ քաղաքական ուժի չի հարվածելու: Հիմա ՀՀՇ-ն կամ Լեւոն Տեր-Պետրոսյանը այլեւս չի հարվածում իշխանությանը եւ թիրախ է ընտրել Դաշնակցությունը: Սա քաղաքական զարգացումների ամենադրական արդյունքն է, որովհետեւ մեր երկրում վերջապես վերսկսվում է գաղափարական պայքարը: Մինչ այժմ Դաշնակցության միակ գաղափարական ընդդիմախոսը կառավարության մի մասն էր, բայց ոչ` քաղաքական կոալիցիան: Հիմա, երբ ՀՀՇ-ն երկխոսում է իշխանության հետ, գաղափարական պայքարի մեջ է մտնում Դաշնակցության դեմ»,- հայտարարեց երեկ Վահան Հովհաննիսյանը: