Նախարարն առաջնորդել է հեծանվաերթը

Շրջակա միջավայրի միջազգային օրը` հունիսի 5-ը, Հայաստանի բնապահպանության նախարարությունը նշել է Ազատության հրապարակում:

Նախարարության աշխատակիցների, բնապահպանական ՀԿ-ների եւ միջազգային կազմակերպությունների ներկայացուցիչների գլխավորությամբ` երեխաները հրապարակում կավճով նկարներ են արել, ապա նախարար Արամ Հարությունյանը գերատեսչական ոսկե մեդալով պարգեւատրել է Կարմիր գրքի աշխատանքներում ներգրավված մի քանի մասնագետների:

Այնուհետեւ նախարարն առաջնորդել է հեծանվաերթը, որը մեկնարկել է Ազատության հրապարակից` անցնելով Մաշտոցի պողոտան, Ամիրյան փողոցը, Հանրապետության հրապարակը, եւ  ավարտվել է Տիգրան Մեծի պողոտայում` Բնության պետական թանգարանի մոտ:

Գնահատելի է բնապահպանության նախարարի այս արարքը, սակայն լավ կլիներ, որ նույն նախարարը, օրինակ, կոչ աներ, որ այդ օրն իրեն միանային իր գործընկերները: Գուցե նախարարը փորձի որոշման մի նախագիծ ներկայացնել կառավարությանը, որ այսուհետ պետպաշտոնյաները, պատգամավորները եւ նախարարները ոչ թե կառավարական մեքենաներով, այլ հեծանիվներով հասնեն իրենց աշխատավայրերը: